PARIS- Gjatë samitit për Klimën që po mbahet sot në Paris dhe ku janë mbledhur gjithë liderët e botës, Presidenti rus Vladimir Putin ka refuzuar t’i japë dorën Presidentit turk Erdogan. Rusia dhe Turqia janë në konflikt diplomatik pas rrëzimit të avionit rus në kufirin turko-sirian javën e kaluar.
Presidentët dhe Kryeministrat e 150 vendeve janë mbledhur sot në Paris në samitin për Klimën, që synon arritjen e marrëveshjes afatgjatë për ndaljen e rritjes së temperaturës në Tokë.
Samiti po mbahet nën masa të jashtëzakonshme të sigurisë, pas sulmeve terroriste në Paris, më 13 nëntor, nga të cilat u vranë 130 vetë dhe u plagosën qindra të tjerë.
Dje në qendër të Parisit kundër këtij samiti demonstruan mijëra njerëz.
