Një burrë i armatosur me thikë, ka marrë peng dy gra në një dyqan në lagjen 12 të Parisit.
Burri është rreth të 50-ave, ndërsa sipas gazetës Le Parisien, burri ndodhet brenda dyqanit me dy gratë peng dhe ka mbyllur qepenin.
Në vendin e ngjarjes kanë dalë forca të shumta të policisë franceze, që po tentojnë të shpëtojnë dy gratë që janë marrë peng.
Ndër kërkesat që burri ende i paidentifikuar ka bërë është që të vihet në kontakt me ministrin e Drejtësisë, Gérald Darmanin dhe të mund të flasë me një negociator të Brigadës së Kërkimit dhe Ndërhyrjes (BRI) të policisë franceze.
Sipas nënkryetarit të bashkisë së zonës, Emmanuel Grégoire, zona ku mbahen peng dy gratë është në sektorin “Aligre”, jo shumë larg sheshit qendror të Bastille. Në Tëitter, Grégoire fton qytetarët që “të shmangin zonën dhe të ndjekin udhëzimet e prefekturës së policisë”.
Një perimetër i madh sigurie është ngritur midis Faubourg Saint-Antoine dhe rrugës Crozatier, thotë Samuel, një dëshmitar banor në lagje, i cituar nga France Presse. Për ndërhyrjen janë mobilizuar dhjetëra makina policie, motoçiklistë, ushtarë të antiterrorizmit dhe një kamion BRI.
Ndërkohë përjashtohet pista e një sulmi terrorist./Opinion.al
