Një krim i rëndë tronditi sot Parisin, ku një nënë e re bashkë me 4 fëmijët e saj u gjetën të vdekur në banesë. Për ngjarjen e rëndë është arrestuar bashkëshorti i viktimës, 33 vjeç, i cili akuzohet se ka vrarë gruan 35-vjeçare dhe 4 fëmijëve të tyre, 10, 7, 4 vjeç e 9 muaj.
Prokurori Jean-Baptiste Bladier përshkroi një skenë të “dhunës ekstreme” kur policia arriti në banesë, dhe gjeti pellgje gjaku në vendngjarje.
Banesa nuk tregoi asnjë shenjë dhune dhe ndërsa babai i fëmijëve nuk u gjet.
Alarmi u ngrit pasi një fqinje kishte parë gjak në dorezën e derës dhe para derës dhe më pas thirri policinë.
Policia e gjurmoi të dyshuarin duke ndjekur pamjet e kamerave të sigurisë, duke e arrestuar përfundimisht në shtëpinë e babait të tij në Sevran aty pranë.
Bladier tha se i dyshuari ishte i njohur për policinë për shkak të një rasti të mëparshëm të dhunës në familje, edhe pse ai nuk kishte precedentë penalë.
Në vitin 2019, një muaj para lindjes së fëmijës së tretë të çiftit, i dyshuari ka sulmuar me thikë partneren e tij, sipas prokurorit.
Shërbimi i policisë gjyqësore të Versajës po heton vrasjet. Bladier tha se nëna dhe dy vajzat e saj më të mëdha të moshës 10 dhe 7 vjeç kishin marrë “një numër të madh plagësh me thikë”.
Dy më të vegjlit, një djalë katër vjeç dhe një foshnjë nëntë muajshe, nuk kishin asnjë plagë të dukshme në trup dhe si rrjedhojë dyshohet se janë mbytur.
Fqinjët thanë se nëna 35-vjeçare ishte “e mirë dhe fliste me të gjithë”.
Një grua tha se ajo kishte folur për depresionin e burrit të saj pas humbjes së punës. Fqinja tha gjithashtu se i dyshuari ishte “nën trajtim”.
Pas sulmit në vitin 2019, nëna nuk ngriti akuza dhe çështja u pushua për shkak të shëndetit mendor të partnerit të saj në atë kohë.
Bladier tha se, gjatë kontrollit të banesës, u gjetën dokumente që mund të sugjeronin shtrimin në një spital psikiatrik në vitin 2017 dhe një recetë për qetësues.
