Vijon ‘lufta’ mes vajzës së yllit të ndjerë të popit Micheal Jackson dhe mediave. Pak ditë më parë u publikua lajmi se Paris Jackson tentuar të vetëvritet duke prerë damarët dhe se ajo është transportuar në spital me urgjencë.
Më pas të shtunën që lamë pas u publikua në media audio i një telefonate ku policia ka marrë një sinjalizim për një tentativë vetëvrasje nga një adresë që përkonte me atë të Paris. Gjithashtu u tha se 20-vjeçarja ka humbur një sasi të madhe gjaku. Por modelja ka reaguar duke thënë: “Ata nuk morën reagimin e çmendur që donin nga dokumentari, dhe një reagim i butë e i qetë nuk shet lajme ndaj pse jo mos të gënjesh e të krijosh një histori që shet? Patetike”- u shpreh ajo në Twitter.
Mendohet se e gjithë kjo situatë ka ardhur për shkak të dokumentarit “Leaving Neverland” ku tregohet sesi Micheal Jackson abuzonte seksualisht me djem të moshave të ndryshme. Pas dokumentarit reagimi i Paris ka qenë.
“Nuk kam asgjë për të thënë (sepse çdo gjë është thënë) në mbrojtje të tij. Taj po bën një punë perfekte. Dhe e mbështes. Por nuk është detyra ime. Unë po mundohem thjesht t’i qetësoj të gjithë dhe të shkoj me rrjedhën, të jem e butë dhe të mendoj për “the bigger picture”. Kjo jam unë.”- tha Paris./Opinion.al/
