Paris Hilton, na paska gënjyer për vite me rradhë. Bjondja e famshme, trashëgimtare e perandorisë “Hilton”, u shpreh se njerëzit mund të shokohen kur të mësojnë se gjatë gjithë kësaj kohe është “shtirur” si bukuroshja tipike mendjelehtë, me një zë të hollë karakteristik.
Këtë, Hilton e pranoi gjatë një interviste të fundit, ku tha se “ka luajtur mrekullisht mirë rolin e një bjondeje budallaqe” pasi versioni i saj i vërtetë, është brilant.
“Gjatë gjithë kësaj kohe, kam qenë në rol, prandaj bota jashtë nuk e di si jam unë në të vërtet. Versioni im i vërtet është brilant, unë s’jam bjonde budallaqe, thjesht mendoj që e bëj shumë mirë atë rol. Mendoj se tani është koha që bota të njohë kush jam në të vërtetë.”, u shpreh Hilton.
“Kam kaluar kaq shumë gjëra dhe ekzistojnë shumë keqperceptime për figurën time. Dua të mbahem mend dhe të respektohem si grua sipërmarrëse që jam.”, shtoi ajo./Opinion.al
