Një grua e pastrehë është autorja e dyshuar për vrasjen, përdhunimin dhe torturimin e një vajze 12-vjeçare e gjetur e vdekur në një valixhe në Paris.
Dahbia B, një 24-vjeçare me origjinë nga Algjeria me ‘probleme ekstreme psikologjike’, akuzohet për vrasjen e vogëlushes Lola Davie të premten e kaluar.
Pamjet tregonin 24-vjeçaren dhe vogëlushen që mbeti viktimë pranë bllokut të banesave ku Lola jetonte me prindërit e saj.
Sipas Daily Mail, “Dëshmitë sugjerojnë se vajza u dërgua në bodrumin e një banese, ku u torturua dhe u përdhunua, përpara se të mbytej dhe t’i prisnin fytin.”
Burimi shtoi: “E dyshuara besohet se vuan nga probleme serioze psikologjike. Ajo jetonte në rrugë, por kishte miq dhe familje në zonën e Parisit.’
Dahbia B ndodhet në paraburgim dhe akuzohet për “vrasjen e një fëmije nën 15 vjeç, përdhunim dhe torturë”.
Gjashtë persona, duke përfshirë motrën më të madhe të Dahbia B, Friha B, u arrestuan në lidhje me krimin, duke përfshirë një burrë 43-vjeçar i cili lejoi të dyshuarën të qëndrojë në makinën e tij.
Tani mendohet se Dahbia B ‘veproi e vetme dhe pa pagesë’ në kryerjen e vrasjes, sipas burimeve gjyqësore.
Dëshmitarët thonë se e panë atë duke tërhequr zvarrë valixhen e cila ishte ‘e njollosur me gjak’.
Një burim hetimor tha: “24-vjeçarja fitoi disi besimin e viktimës dhe e çoi atë në një bodrum poshtë ndërtesës, ku ndodhi sulmi”.
