Një burrë dhe katër gra janë vënë në pranga nga policia e Vlorës pasi u kapën duke kultivuar kanabis.
Sipas burimeve zyrtare nga policia, në një zonë të pyllëzuar të fshatit Vllahinë në Vlorë është evidentuar një parcelë me kanabis.
Focat e policisë gjatë aksionit për asgjësimin e saj kanë kapur në flagrancë edhe personat që po përpiqeshin të kultivonin bimën narkotike.
Në vijim të veprimeve, specialistët për Hetimin e Krimit arrestuan në flagrancë shtetasit A. B., 59 vjeç, R. B., 58 vjeçe, F. R., 57 vjeçe, A. M., 55 vjeçe, banues në fshatin Llakatundë, Vlorë dhe E. Y., 39 vjeçe, banuese në fshatin Akerni, Vlorë.
Gjithashtu, gjatë kontrollit të ushtruar përreth territorit ku u konstatuan bimët narkotike, shërbimet e Policisë kanë gjetur dhe sekuestruar dhe një sasi rreth 5 kilogramë cannabis sativa.
Materialet iu referuan Prokurorisë Vlorë, për veprat penale “Kultivimi i bimëve narkotike” dhe “Prodhimi dhe shitja e narkotikëve”. /Opinion.al
