Çështja e përdorimit të parave ruse për lotimin e PD, ka rikthyer përsëri debatet në politik.
Kryetari i PL, Ilir Meta shprehet se me këtë çështje, kryeministri Edi Rama mbante peng opozitën e cila i fali të gjitha institucionet.
Sipas Metës, koha që opozita mbahej peng ka mbaruar, dhe shumë shpejt Rama do t’i kthejë të gjitha pushtete me hir apo pahir sovranit.
“Nuk është thjeshtë problemi i parave ishin ruse apo nuk ishin ruse, atë le ta sqarojnë vetë amerikanët dhe PD. Problemi është se u përdor kjo aferë për të prodhuar modelin rus të kapjes së shtetit. U përdor një aferë që gjithë drejtësinë ta kapte Rama. U bë një aferë për të provokuar opozitën në emër të popullit që të gjithë institucionet t’ia falnin Edi Ramës. E pra kjo kohë përfundoi, ndaj Edi Ramës i është futur frika në palcë, se e di shumë shpejt do t’i duhet me hir apo pahir të dorëzojë në duart e sovranit të gjitha pushtetet që ka uzurpuar”, tha Meta.
Çështje e lobimit u rikthye përsëri pasi një zyrtar i lartë amerikanë deklaroi se Rusia ka shpërndarë 300 milionë dollarë për financimin e disa partive në dhjetëra vende. Ndër këto parti rezilton se është e përfshirë dhe PD, e cila sipas zyrtarit amerikanë ka marrë 500 mijë dollarë dhe i ka përdorur për lobim.
