“Money” mban titullin kënga, e cila sjell dyshen e suksesshme më ndryshe nga që i kemi parë deri tani.
Adrian Gaxha thotë se realizimi i këtij projekti ka filluar para një viti duke treguar se ky është më i preferuari i tij.
“Kjo këngë është më e preferuara që kemi realizuar deri më tani sepse teksti i këngës flet për realitetin dhe kemi punuar rreth katër muaj vetëm për këtë tekst”, tha Adriani duke zbuluar se ndryshe nga videoklipet e kaluara ky do të jetë videoklipi më i thjeshtë që kanë realizuar ndonjëherë.
Kënga, e cila është prodhim i Brick Records dhe Entermedia do të publikohet nesër rreth orës 20:00 dhe vjen si një befasi e madhe për fansat e tyre pas suksesit të madh të këngës “Dale” që Lindoni e solli solo./GazetaExpress/
