Biznesmeni kosovar, Behgjet Pacolli ka reaguar së fundmi lidhur me gjendjen e këngëtares shqiptare Parashqevi Simaku.
Në një postim në rrjetet sociale, Pacolli shkruan se bashkë me humanistin Halil Kastratin janë të gatshëm ta ndihmojnë këngëtaren e famshme shqiptare.
Ai bën me dije se mund t’i sigurojnë Parashqevi Simakut banesë, punë ose pension mujor.
“Gjatë një takimi që patëm sot me humanistin Halil Kastrati dhe ish-konsullin e Kosovës në Kanada @ Donat Syla, ky i fundit na informoi në detaje për gjendjen e rëndë të këngëtares së famshme shqiptare, Parashqevi Simaku.
Ne, Shoqata “Jetimat e Ballkanit” dhe Fondacioni “Behgjet Pacolli,” shprehim gatishmërinë për të vënë në dispozicion një banesë dhe për të marrë përsipër të gjitha shpenzimet për transferimin e saj në Kosovë ose Shqipëri, duke i garantuar asaj punësim adekuat ose një pension mujor.
Shoqëria jonë duhet të përkujdeset për personalitetet që kanë dhënë shumë për kombin!”,-shkruan Pacolli në rrjetin social “Facebook”.
