Edhe sot moti do të vazhdojë i njëjtë. Mëngjesi do të dominohet nga vranësira dhe shira me intensitet të lartë në vend, ku më problematike situata do të paraqitet në zonat veriore dhe qendrore ku shirat do të jenë të rrëmbyeshëm.
Në pjesën e dytë të ditës do të ketë dobësim të ndjeshëm të intensitet të shirave në vend duke bërë që herë pas here të ketë pauza. Gjatë natës nuk pritet të ketë reshje në të gjithë vendin.
Temperaturat e ajrit do të pësojnë rritje të lehtë orët e mëngjesit por mesdita nuk do të sjellë ndryshim të tyre. Era do të fryjë mesatarisht me shpejtësi 40 km/h nga drejtimi jugperëndimor dhe për pasojë në det do të gjenerohet dallgëzim 4 ballë.
