Gadishulli i Ballkanit do të ndikohet nga masa ajri të paqëndrueshme të cilat do të vazhdojnë të mbajnë në vendin tonë dhe Kosovë mot me rreshje shiu dhe rikthimin e rreshjeve të borës.
E Enjte 22 Mars 2018
E Enjte: Vendi ynë do të ndahet në dy pjesë, pra zona Perëndimore do të jetë me alternime vranësirash mesatare dhe rreshje shiu te pakta ku në Jug do të ketë dhe shkarkesa elektrike, ndërsa Verilindja do të preket nga rreshjet e borës. Era do të jetë me drejtim Verilindje (NE) me intesitet të lartë me shpejtësi 10-25 m/sek në bregdet. Valëzimi do të jetë i forcës 5 me lartësi vale 2,5 deri në 4,0 metër në det të hapur.
Temperaturat min dhe max
Zonat malore -2/7 °C
Zonat e ulëta 7/17°C
Zonat bregdetare 10/19 °C
Kosova per ditën e Enjte dt 22 Mars do të jetë me vranësira dhe rreshje bore intensive. Temperaturat do të pësojnë rënie duke regjistruar në ekstremet e tyre vlera -4°C në mëngjes deri në deri në -2°C në mesditë.
E Premte 23 Mars 2018
E Premte: Vendi ynë i ndikuar nga një qëndër ciklonike do të jetë me vranësira dhe rreshje bore intensive deri në lartësitë 600 metra mbi nivelin e detit. Zonat e ulëta dhe ato bregdetare do të jenë me rreshje shiu me intesitet mesatar. Era do të jetë me drejtim Verilindje (NE) Jugperëndim (SW) me shpejtësi 8-15 m/sek në bregdet. Valëzimi do të jetë i forcës 4 me lartësi vale 1,25 deri në 2,5 metër në det të hapur. Temperaturat do të jenë me rënie të ndjeshme.
Temperaturat min dhe max
Zonat malore -2/3°C
Zonat e ulëta 4/12°C
Zonat bregdetare 5/12°C
Meteorologe: Rezarta Xhakollari
