Vendi ynë do të dominohet nga masa ajrore të paqëndrueshme dhe për pasojë vranësirat dhe shirat do të jenë prezent. Më të theksuara shirat do të paraqiten në veri dhe verilindje të territorit ku herë pas here do të ketë edhe rrebeshe.
Pjesa e dytë e ditës do të mbetet nën ndikimin e vranësirave dhe shirave në të gjithë zonën malore përgjatë kufirit lindor duke lënë nën ndikimin e kthjellimeve dhe vranësirave të shpeshta të gjithë pjesën tjetër të vendit.
Parashikohet që gjatë natës të ketë largim gradual të vranësirave dhe shirave nga i gjithë territori. Temperaturat e ajrit do të mbeten relativisht konstante në orët e mëngjesit por mesdita do të sjellë rritje të tyre.
Era do të fryjë mesatare në tokë dhe në det duke arritur shpejtësinë 35 km/h nga drejtimi jugperëndimor, për pasojë në brigjet e Adriatikut dhe Jonit do të gjenerohet dallgëzim 3 ballë.
/tvklan.al
