Parashikimi i motit, reshjet nuk kanë ndërmend të ndalen ja kur del dielli

Moti i keq që ka mbërthyer Shqipërinë prej disa javësh nuk ka ndërmend të ndalet. Reshjet e shiut do të vijojnë deri në fundin e javës tjetër duke ndryshuar vetëm intensitetin. Gjatë ditës së sotme priten reshje të vazhdueshme gjatë gjithë paradites, ndërsa nga pasditja shiu pritet të pushojë.
E njëjta situatë shfaqet edhe në fundjavë ku i gjithë vendi do të jetë nën ndikimin e reshjeve të shiut.
Fundjavën tjetër pritet që shiu të pushojë duke i lënë vendin vranësirave, por temperaturat do të pësojnë rritje duke arritur deri në 25 gradë celsius fundjavën tjetër.