Sot është dita më e ftohtë e Tetorit, ku në zonat malore termometri shënon -1 gradë në mëngjes. Por kjo nuk zgjat shumë, nga nesër dhe gjatë fundjavës temperaturat do të jenë në rritje, parashikon Meteoalb.
Sot, moti do të jetë i kthjellët dhe vranësira të lehta dominojnë të gjithë territorin, përjashtuar zonat veriore – verilindore ku vranësirat do të jenë më të dendura. Po ashtu, pasditja dhe mbremja vijojnë në ndikimin e kushteve te qëndrueshme atmosferike ku kthjellimet dhe vranësirat kalimtare mbeten dominante.
Temperaturat e ajrit ulen ndjeshëm në vlerat minimale deri në -1°C ndërsa mesdita do të ruajë maksimumin në rang territori 23 °C.
Era do fryjë mesatare veri-qender deri e fortë në Jug me shpejtësi mbi 45 km/h nga drejtimi Verior – Verilindor duke krijuar në det dallgëzim 3 apo 4 ballë.
E premte, 26 Tetor
Sipas MeteoAlb: Vijon dominimi i kthjellime dhe vranësirave të lehta në Veri dhe zonat Qendrore por vranësira më të shpeshta do të ketë ekstremi Jugor i vendit. Pasditja mbetet me alternime kthjellimesh dhe vranësirash në Veri dhe zonat Lindore ndërsa në Jug dhe Qendër mbeten dominante kthjellimet.
Temperaturat e ajrit rriten ndjeshëm gjatë mëngjesit dhe mesditës, kryesisht në zonat Jugore-Qendrore duke shënuar maksimalisht 25°C.
Era do të fryjë kryesisht e lehtë, me shpejtësi 28 km/h nga drejtimi Verilindor ndërsa në det vijon dallgëzimi 1 – 2 ballë. /Opinion.al
