Edhe këtë të Martë do të vijojnë masat ajrore të ftohta më origjinë kontinentale.
Sipas Meteoalb, më të theksuara kthjellimet do të jenë në bregdet dhe zonat e ulëta ndërsa vranësira më të shpeshta do të paraqiten në zonat malore verilindore-juglindore; megjithatë nuk priten reshje.
Parashikohet që orët e pasdites dhe në vijim të sjellin dobësim të ndjeshëm të vranësirave edhe në zonat malore.
Temperaturat e ajrit do të pësojnë rritje të lehtë në orët e mëngjesit, por rriten maksimumet duke luhatur vlerat ditore nga -3°C vlera më e ulët deri në 16°C vlera më e lartë në rang territori.
Era do të fryjë e lehtë dhe mesatare me shpejtësi mbi 35 km/h nga drejtimi verior-verilindor duke sjellë në brigjet e Adriatikut dhe Jonit dallgëzim 2-3 ballë.
