Deri në mesditë, vendi ynë do të dominohet nga alternime kthjellimesh dhe vranësirash, të cilat më të theksuara do të jenë në zonat jugore duke rrezikuar shira të dobët e lokalë.
Po ashtu edhe orët e pasdites do të vijojnë me të njëjtat kushte të motit duke bërë që i gjithë territori i vendit të dominohet nga kthjellime dhe vranësira të herë pas hershme. Qytetet më të ftohta do të jenë në verilindje të vendit.
Temperaturat e ajrit nuk do të pësojnë ndryshime të dukshme duke ruajtur të njëjtat vlera të tyre konstante. Era do të fryjë mesatare si në tokë dhe në det me shpejtësi 25 km/h nga drejtimi verilindor, për pasojë në det do të gjenerohet dallgëzim deri në 1 ballë.
