Sipas MeteoAlb Shqipëria do të vijojë me kthjellime dhe vranësira të herë pas hershme por pas mesditës do të kemi një zhvillim të vranësirave në zonat malore duke gjeneruar rrebeshe shiu. Por gjatë natës vranësirat do të shtrihen në pjesën tjetër të territorit shqiptar.
Temperaturat e ajrit do të vijojnë në rritje në orët e para të ditës deri në mesditë duke bërë që vlerat ekstreme të variojnë nga 16 gradë Celsius në mëngjes dhe deri në 37 gradë Celsius në mesditë.
Era do të vijojë të fryjë mesatare, deri e fortë me një shpejtësi 65 km/h kryesisht në drejtimin jug-perëndimor dhe kjo bëjë që në brigjet e Adriatikut dhe Jonit të gjenerohet dallgëzimi 5 ballë. /Opinion.al
