Masat ajrore të paqëndrueshme do të bëjnë që vranësirat dhe shirat e dobët e lokalë të jenë prezent në vend, por herë pas here do të ketë intervale me kthjellime.
Orët e pasdites do të dominohen nga kthjellime dhe vranësira të shpeshta në zonat veriore dhe qendrore ndërsa me vranësira dhe shira do të paraqitet moti për zonat jugore e juglindore. Gjatë natës do të ketë përmirësim të kushteve atmosferike në të gjithë vendin.
Temperaturat e ajrit do të pësojnë rënie të ndjeshme në të dy vlerat ekstremale të ditës.
Era do të fryjë mesatare në tokë dhe deri e fortë në det me shpejtësi 40 km/h nga drejtimi veriperëndimor dhe për pasojë në brigjet detare do të gjenerohet dallgëzim 3- 4 ballë.
