Sipas MeteoAlb, orët e paradites do të paraqiten nën mbizotërimin e alternimeve të kthjellimeve dhe vranësirave të shpeshta në pjesën më të madhe të vendit ku në zonat veriore dhe gjysmën lindore të territorit, vranësirat do të pësojnë zhvillim duke gjeneruar rrebeshe të izoluara shiu.
Ndërkohë orët e pasdites dhe mbrëmjes do të sjellin dobësim të vranësirave, por momente me pika shiu do të mbeten dominante sërish në zonat veriore të Shqipërisë.
Temperaturat e ajrit do të pësojnë rënie në orët e mëngjesit, por mbeten konstante në mesditë duke luhatur vlerat ditore nga 6°C vlera minimale deri në 28°C vlera maksimale në rang vendi.
Era do të fryjë e lehtë dhe mesatare; duke arritur shpejtësinë mbi 40 km/h nga drejtimi Jugperëndimor; për pasojë në brigjet detare do të krijohet dallgëzim mbi 2 ballë.
