Zonat e ulëta dhe bregdetare do të dominohen nga kthjellime dhe vranësira të lehta, ndërsa me vranësira të dendura dhe flokë dëbore do të paraqitet moti për zonat malore verilindore dhe juglindore.
Pjesa e dytë e ditës do të vijojë me alternime kthjellimesh dhe vranësirash të shpeshta në të gjithë territorin e vendit. I ftohti do të mbetet prezent edhe gjatë ditës së martë.
Temperaturat e ajrit nuk do të pësojnë shumë ndryshime të dukshme duke bërë që shumë zona të vendit të jenë të ftohta. Era do të fryjë mesatare me shpejtësi 30 km/h nga drejtimi verilindor dhe për pasojë në det do të gjenerohet dallgëzim 4 ballë.
