I nxehti afrikan do të vijoj të jetë prezent edhe gjatë ditës së sotme në vendin tonë, duke sjellë mot të kthjellët dhe temperatura të larta ku vlera të larta priten përgjatë ultësirës perëndimore deri në 37 gradë Celsius.
Orët e pasdites sjellin prezencë të vranësirave të pakta në të gjithë territorin e vendit ku më të dukshme do të jenë në zonat verilindore – juglindore, por mundësia për reshje është thuajse zero.
Temperaturat e ajrit do të rriten lehtë në mëngjes dhe në mesditë duke luhatur vlerat ditore nga 10°C temperatura më e ulët e shënuar në qytetin e Ersekës deri në 37°C vlera më e lartë përgjatë ultësirës perëndimore.
Era do të fryjë e lehtë, por herë pas herë mesatare me shpejtësinë mbi 30 km/h nga drejtimi veriperëndimor duke krijuar në brigjet detare dallgëzim të ulët.
