Ditën e sotme do të ketë kthjellime e vranësira të lehta që do të dominojnë motin në ultësirën perëndimore por me vranësira të dukshme paraqiten zonat malore.
Pasditja vijon me kthjellime dhe vranësira të herë pas hershme në pjesën më të madhe të vendit, përjashtuar ekstremin Jugor ku do të ketë rrebeshe të shkurtra deri në mbrëmje kur pritet që moti të karakterizohet nga kthjellime dhe vranësira kalimtare deri mëngjesin pasardhës.
Temperaturat e ajrit sjellin një rënie me 2°C gjatë mëngjesit por nuk priten ndryshime të ndjeshme në orët e mesditës.
Ndërsa të dielën temperaturat do të bien akoma më shumë duke bërë që temperatura minimale të jetë 4 gradë ndërsa maksimalja 14 gradë celcius. Të dielën pritet të ketë edhe shi.
Temperaturat do të pësojnë rënie të ndjeshme të hënën, ku termometri do të shënojë minus 1 gradë në kryeqytet.
