Pjesa e parë e ditës së sotme do të jetë në ndikimin e motit të kthjellet në të gjithë territorin e vendit, por në zonat malore lindore do të ketë herë pas here kalim të vranësirave të lehta.
Edhe pasditja do të vijojë me të njëjta kushte të qëndrueshme atmosferike duke bërë që kthjellimet dhe vranësirat e lehta e kalimtare të jenë dominuese në vend, ku më të dukshme vranësirat do të paraqiten në ekstremin verior.
Temperaturat e ajrit nuk do të pësojnë ndryshime në vlerat minimale, ndërsa rritje me 2 gradë e temperaturave parashikohet në orët mesditës.
Era do të fryjë e lehtë dhe mesatare me shpejtësi 25 km/h nga veriperendimi duke bërë që në brigjet e Adriatikut dhe Jonit të gjenerohet dallgëzim 2 ballë.
