Alternime kthjellimesh dhe vranësirash do të karakterizojnë kushtet e motit për ditën e enjte, herë pas here do të ketë zhvillim të vranësirave konvektive duke rrezikuar shira afat-shkurtër, më të mundshme në zonat qendrore dhe jugore, herë pas here do të jenë rrebeshe.
Parashikohet që edhe orët e pasdites të vijojnë me të njëjtat kushte të motit duke bërë që kthjellimet të jenë dominante por të pranishme do të jenë gjithashtu vranësirat.
Sipas MeteoAlb, temperaturat e ajrit do të rriten lehtë në orët e mëngjesit por mesdita do të sjellë rënie të lehte të tyre.
Era do të fryjë mesatare në tokë dhe në det me shpejtësi 30 km/h nga drejtimi kryesisht veriperëndimor duke bërë që në brigjet detare të gjenerohet dallgëzim deri në 2 ballë.
