Parashikimi i motit për ditën e sotme, 18 tetor 2016

Gjatë orëve të paradites, vendi ynë do të ndodhet në ndikimin e alternimeve të kthjellimeve dhe vranësirave të shpeshta, ku më të dukshme do të jenë në veri dhe veriperëndim të vendit duke rrezikuar shira.
Parashikohet që pasditja të sjellë shtim të vranësirave duke bërë që zonat veriore dhe qëndrore të rrezikohen nga shira të përkohëshëm, ndërsa në orët e vona të mbrëmjes pritet shirat të përfshijnë të gjithë territorin, ku herë pas here do të ketë rrebeshe.
Temperaturat e ajrit do të pësojnë rënie si në vlerat minimale edhe në ato maksimale.
Era do të fryjë mesatare gjatë ditës, por deri e fortë gjatë natës duke arritur shpejtësine 45 km/h nga drejtimi Jugperëndimor, kjo do të bëjë që në Adriatik dhe Jon dallgëzimi të arrijë deri në 4 ballë.