Gjatë paradites moti në vendin tonë pritet të jetë nën ndikimin e kthjellimeve dhe vranësirave kalimtare, ku më të shpeshta do jenë në rajonin verior duke sjellë herë pas here reshje shiu e dëbore. Por pas mesditës vranësirat pësojnë zhvillim duke sjellë shira edhe në zonat qendrore.
Sipas MeteoAlb, gjatë natës reshjet përfshijnë thuajse gjithë territorin. Temperaturat e ajrit rriten në mëngjes por ulen në mesditë duke luhatur vlerat ditore nga -1°C deri në 14°C.
Era do fryjë mesatare gjatë paradites por forcohet në pasdite me shpejtësi 45km/h nga drejtimi jugor duke krijuar në det dallgëzim mbi 4 ballë./Opinion.al
