Sipas MeteoAlb, vendi ynë do të jetë nën dominimin e intervaleve me kthjellime në pothuajse të gjithë territorin, ku vranësira të lehta pritet të ketë vetëm në zonat e thella malore të Shqipërisë.
Por, parashikohet që pjesa e dytë e ditës t’i bëjë gradualisht më të dukshme vranësirat, në të gjithë territorin. Më të dendura do të jenë në zonat Lindore dhe pjesërisht në qendër duke rrezikuar reshje të pakta e të izoluara shiu e dëbore.
Temperaturat e ajrit do të rriten si në mëngjes edhe në orët e mesditës duke luhatur vlerat ditore nga 1°C vlera minimale deri në 15°C maksimalja në rang territori.
Era do të fryjë mesatare përgjatë gjithë ditës duke arritur shpejtësinë mbi 30 km/h nga drejtimi Jugperëndimor. Kjo do të bëj që në brigjet detare të krijohet dallgë 2- 3 ballë.
