Ditën e sotme vendi ynë do të mbizotërohet nga alternime kthjellimesh dhe vranësirash ku mundësitë për reshje shiu sot janë të pakta. Megjithatë vranësirat do të rikthehen të dielën duke shtuar mundësitë për reshje.
Sipas Meteoalb, temperaturat do të pësojnë një rënie të lehtë ku do variojnë: në zonat malore nga -2ºC deri në 08ºC, në zonat e ulëta nga 03ºC në 13ºC dhe në zonat bregdetare nga 07°C në 14ºC. Era do të fryj në drejtim Jugor me forcë valëzimi 4 ballë.
Në Kosovë moti do të jetë i kthjellët me alternime vranësirash të cilat do të sjellin reshje shiu dhe dëbore. Temperaturat do të pësojnë një rënie të lehtë ku do të variojnë: në zonat malore nga -3ºC deri në 08ºC dhe në zonat e ulëta nga 01ºC në 10ºC./ Opinion.al
