Sipas MeteoAlb, deri në orët e mesditës vendi ynë do të jetë në dominimin e kthjellimeve në pjesën më të madhe të territorit. Por parashikohet që vranësirat e lehta të bëhen të dukshme në orët e pasdites dhe në vijim, ku më të fokusuara do të jenë në zonat malore.
Temperaturat e ajrit do të rriten në mëngjes dhe në mesditë duke regjistruar vlerën minimale në qytetin e Pukës dhe Ersekës me 6°C, ndërsa vlera maksimale do të shënohet në qytetin e Sarandës me 26°C.
Era do fryjë e lehtë në tokë dhe mesatare në det me shpejtësi 45 km/h nga drejtimi jugor duke krijuar dallgëzimin 4 ballë. / Opinion.al
