Paraditen e sotme vendi ynë do të karakterizohet nga një mot i kthjellët kryesisht në ultësirën perëndimore. Por pas mesditës parashikohet që zonat malore dhe të ulëta të kenë kalime vranësirash të lehta. Ndërsa sërish mbrëmja dhe orët e natës largojnë vranësirat duke bërë që kthjellimet të jenë mbizotëruese.
Sipas MeteoAlb, temperaturat e ajrit ulen në mëngjes, por nuk ndryshojnë në mesditë duke u luhatur nga 14°C në zonat malore deri në 35°C në zonat e ulëta.
Era do fryjë e lehtë në tokë por mesatare në det duke arritur shpejtësi deri 40 km/h, nga drejtimi veriperëndimor ndërsa në det të hapur krijohet dallgëzim 3 ballë./Opinion.al
