Parashikimi i motit 20 Qershor

Gjatë ditës së diel, vendi ynë do të mbetet nën ndikimin e masave ajrore të qëndrueshme, të cilat sjellin mot të kthjellët dhe relativisht të nxehtë.
Mesdita dhe pasditja do të shoqërohen me kalime vranësirash nëpër territor, ku më të shpeshta vranësirat do jenë në zonat përgjatë kufirit lindor por pa mundur të gjenerojnë reshje.
Temperaturat e ajrit mbeten të pandryshuara në vlerat minimale por rriten gjatë mesditës duke luhatur vlerat ditore nga 12°C mëngjesi deri në 35°C mesdita.
Era do fryjë mesatare me shpejtësi deri 35 km/h, nga drejtimi Verior-Veriperëndimor ndërsa në det të hapur krijohet dallgëzim deri në 3 ballë.