Gjatë ditës së sotme moti në vendin tonë do të mbetet nën ndikimin e vranësirave të shpeshta, të cilat do të krijojnë mundësi për reshje të pakta në pjesën më të madhe të territorit. Por parashikohet përmirësim gradual i motit gjatë orëve të pasdites dhe mbrëmjes, duke bërë që orët e natës të sjellin dominim të kthjellimeve.
Sipas MeteoAlb, temperaturat e ajrit do të mbeten të pandryshuara në mëngjes, por do të rriten në mesditë duke luhatur vlerat ditore nga 3°C deri në 17°C.
Era do fryjë e lehtë në tokë dhe mesatare në det me shpejtësi 35 km/h nga drejtimi Perëndimor – Jugperëndimor duke krijuar dallgëzim 3 ballë.
