Sipas MeteoAlb, vendi ynë që në orët e para të ditës do të mbizotërohet nga moti i kthjellët. Por gjatë pasdites dhe orëve të mbrëmjes vranësirat do të bëhen të dukshme në zonat veriore dhe lindore të territorit shqiptar.
Temperaturat e ajrit do të mbeten të pandryshuara në mëngjes, por rriten në mesditë duke regjistruar vlerën minimale në qytetin e Pukës dhe Ersekës me -2°C, ndërsa vlera maksimale do të shënohet në qytetin e Durrësit me 16°C.
Era do të fryjë e lehtë në tokë dhe mesatare në det me shpejtësi 45 km/h nga drejtimi verior duke krijuar në det dallgëzim 4 ballë. /Opinion.al
