Një ngjarje e rëndë dhe kriminale është parandaluar ditën e sotme nga Policia e Tiranës, babai ka tentuar të vrasë me armë zjarri të dashurin e vajzës.
Bëhet fjalë për Genc L. 43 vjeç banues në Tiranë. Ai u vu në pranga të policisë pasi ka kërcënuar, kanosur dhe tentuar të vrasë, me anë të një arme gjahu të cilën e kishte pa leje, dy shtetas të mitur me inicialet B. A. dhe S. A, 15 vjeç, banues në Tiranë.
Shtetasi i mitur me inicialet S. A. dyshohej se kishte një lidhje intime prej afro një viti me shtetasen A. L., 14 vjeçe, vajza e shtetasit Genc L.
Policia ka sekuestruar amrën e gjahut në cilësinë e provës materiale. Një armë gjahu teke 12 she dhe 20 fishekë pa leje. Materialet i’u kaluan Prokurorisë pranë Gjykatës së Shkallës së Parë Tiranë, për veprat penale “Prodhimi dhe mbajtja pa leje e armëve të gjuetisë dhe sportive” dhe “Kanosja”, parashikuar nga Neni 280 dhe 84 të Kodit Penal.
