Dy persona janë ndaluar në Tunizi pasi ishin përfshirë në një komplot për të infektuar me koronavirus forcat e sigurisë. Një prej të ndaluar dyshohet së është xhihadist.
Lajmi është konfirmuar nga ministria e Brendshme në Tunizi. Sipas ministrisë, i dyshuari si xhihadist, i liruar kohët e fundit nga burgu, ka tentuar të inkurajoje disa persona që mendohet të kenë virusin, të kolliten nëse kanë kontakte me policinë apo forcat e sigurisë.
Personi tjetër i arrestuar deklaroi se ishte udhëzuar që të kollitej sa herë që shkonte në stacionin e policisë, ku paraqitej në bazë të një urdhri gjykate. Ai iu nënshtrua testimit për të parë nëse ishte i infektuar me koronavirus apo jo./ Opinion.al
