Policia e Kamzës ka parandaluar përshkallëzimin e një konflikti mes një çifti bashkëshortësh, që mund të kishte përfunduar në një ngjarje të rëndë kriminale brenda familjes.
Pasi morën informacion se në Bathore, po ndodhte një konflikt i ashpër midis dy bashkëshortëve, policia arrestoi në flagrancë një 60-vjeçar, si dhe sekuestroi një armë zjarri automatik me qytë druri, 2 karikatorë dhe 96 fishekë, të cilat u gjetën gjatë kontrollit në banesë.
Materialet procedurale iu referuan Prokurorisë së Rrethit Gjyqësor Tiranë, për veprat penale “Mbajtja pa leje dhe prodhimi i armëve, armëve shpërthyese dhe i municionit”, dhe “Dhuna në familje” në ngarkim të 60-vjeçarit R. S./Opinion.al
