Një ngjarje kriminale është parandaluar nga Policia e Vlorës. Uniformat blu bëjnë me dije se është vënë në pranga një 58-vjeçar, i cili ka kanosur me armë zjarri pistoletë, bashkëfshatarin e tij, pas një konflikti për motive pronësie.
“Në kuadër të operacioni, “Selevec” falë ndërhyrjes në kohë të shërbimeve të Policisë u bë i mundur parandalimi i përshkallëzimit të konfliktit dhe arrestimi në flagrancë i shtetasit: – A. S., 58 vjeç, banues në fshati Oshtimë, Vlorë”-njofton policia.
Shtetasi A. S., gjatë një konflikti për motive pronësie, ka kanosur me armë zjarri pistoletë, shtetasin N. H., 58 vjeç, banues në fshatin Oshtimë, Vlorë.
Në cilësinë e provës materiale u sekuestruan arma e zjarrit pistoletë dhe një sasi fishekësh./Opinion.al
