Pak pasi sekretari i Përgjithshëm i Partisë Demokratike, Gazment Bardhi paralajmëroi sot mbledhjen e Këshillit Kombëtar për të penguar mbajtjen e zgjedhjeve për kryetar të PD më 29 korrik, ka ardhur edhe lëvizja e radhës nga kryesia e kësaj force politike.
Mësohet se kryesia e Partisë Demokratike ka vendosur t’i marrë vulën e partisë Gazment Bardhit dhe t’ia kalojë atë Indrit Sefës.
Në një dokument të bërë publik për mediat, bëhet e ditur se me propozimin e 1/5 së anëtarëve, kryesia ka vendosur që të ngarkohet sekretari për çështjet Ligjore dhe Zgjedhore, Indrit Sefa për prodhimin dhe administrimin e vulës së partisë.
Ky hap i mbështetësve të Lulzim Bashës në kryesinë e PD, vjen pasi një grup deputetësh i kërkuan Gazment Bardhit që të ndalë zgjedhjet për kryetar të vendosura në 29 korrik, zgjedhje e cila rrezikon përçarjen e mëtejshme të Partisë Demokratike./Opinion.al
