Partia Demokratike ka reaguar pas deklaratës së kryebashkiakut të ri të Lezhës, Pjerin Ndreu.
Ivi Kaso, Sekretari për Çështjet Zgjedhore në PD është shprehur se Ndreu do të largohet me pranga në duar.
Përmes një postimi në “Facebook”, Kaso thekson se Bashkia e Lezhës do të çlirohet nga trafikanti që e ka uzurpuar atë dhunshëm.
Më herët kryetari i ri i Bashkisë Lezhë, e paralajmëroi Bashën se do të shihen në gjykatë, pasi sipas tij, ai nukështë I përfshirë në afera kriminale.
Reagimi i Ivi Kaso
Reagimi i Pjerin Ndreu është ai i një trafikanti, që ndjehet i sigurtë nga mburoja e bosit të trafikantëve dhe kriminëleve, i ulur në karrigen e kryeministrit të vendit. Lulzim Basha patjetër që do të vijë në Lezhë, ku ka mbështetjen e shumicës së qytetarëve të saj për të drejtuar vendin dhe për t’u hapur rrugë planeve të zhvillimit në Lezhë dhe në të gjithë Shqipërinë.
Por si fillim, Bashkia e Lezhës do të çlirohet nga trafikanti që e ka uzurpuar atë dhunshëm! Pjerin Ndreu dhe çdo anëtar tjetër i bandës së Edi Ramës, me të cilët ai mban pushtetin e tij kriminal, do të dalin nga politika dhe do të shkojnë para drejtësisë me pranga në duar.
Zgjedhjet e paligjshme të 30 Qershorit dhe vjedhja e zgjedhjeve në Dibër, ku Pjerin Ndreu është kapur në flagrancë duke shkelur ligjin, do të ndëshkohen! Rrugët e Perëndisë për të bërë drejtësi janë të pafundme!/ Opinion.al E.Xh.
