Pas manifestimi të mbajtur mbrëmjen e sotme nga Presidenti Ilir Meta, ka reaguar kryeministri Edi Rama. Kryeministri tha për mediat se, Meta ka çelur një fushatë brenda opozitës dhe mund t’i shpallë luftë dhe Amerikës, por një President s’mund të shpërndajë parlamentin.
Po ashtu, ai tha se nuk ka asgjë të re sa i përket dekretit të Presidentit sot për kthimin mbrapsht të ligjit të ri për betimin e gjyqtarëve kushtetues, ndërkohë ai ka thënë se raporti i sotëm pozitiv i Brukselit duhej të gëzonte Presidentin.
“Nuk ka asgjë të re këtu, Thash për çfarë do më pyesnit. Presidenti del dhe shpërthen para jush. Sot misioni europian, i riu ka dhënë rekomandimin për hapjen e negociatave për anëtarësi të Shqipërisë në BE. Jo vetëm se komisioni i ri jep rekomandimin po rikonfirmon dhe përforcon rekomandimin e vitit të shkuar. Ky është lajmi për mua sot. Ka edhe një koincidence, shkojmë në Brusksel marrim një mbështetje të jashtëzakonshme duke siguruar për njerëzit që janë në hall. Po atë ditë presidenti, që sot nuk ka asgjë del dhe shpërthen përpara jush si një minë e programuar. Pikërisht për të bërë atë gjë çdo ditë. Sot del një raport që minimalisht duhet ta gëzonte një president, por që ta hidhëronte që të rishpërthejë, në fakt është për të qarë jo për të qesh se për mua është e pritshme. Meta nuk mund të firmosë shpërndarjen e parlamentit. Ilir ka çelur fushatë para opozitës. Mund t’i shpallë edhe luftë Amerikës. Lajmi i keq sot është që PD-ja u kthye në servis figurantësh për presidentin“, tha Rama./ Opinion.al
