Pak ditë para protestës kombëtare të 11 majit, kreu i PD-së, Lulzim Basha thotë se pas kësaj date do të varen 10-15 vitet e ardhshme të Shqipërisë.
Nga një takim me demokratët në Vaun e Djesës, Basha rikonfirmoi se një marrëveshje të dytë si ajo e majit të 2017 nuk do të ketë.
“Nuk ka njeri që nuk e pranon se ne do të shkojmë drejt zgjedhjeve të parakohshme, qofshin këta miq tanë ndërkombëtarë, qofshin këta miq tanë politikë. Shqipëria do të shkojë drejt zgjedhjeve të parakohshme. Data është e rëndësishme, por ka diçka tjetër shumë të më të rëndësishme sesa data, kushtet për zgjedhje të parakoshme. Nuk do të lejojmë më një 2017 të dytë. Nuk do të lejojmë e nuk do të pranojmë standard zgjedhore afrikane për shqiptarët. Asgjë më pak se standardet e zgjedhjeve të lira. Dhe, kushti i kushteve për zgjedhje të lira është qeveria tranzitore, pa Edi Ramën”, theksoi Basha.
Kryedemokrati paralajmëroi se në 30 qershor nuk do të ketë zgjedhje lokale, pavarësisht kërcënimeve me burg nga qeveria duke iu përendur kodin penal.
“Zgjedhje të diktuara mga krimi nuk do të ketë në asnjë cep të Shqipërisë, aq më pak në Vaun e Dejës”, tha Basha./ Opinion.al
