Kryeministri Edi Rama ka publikuar një fotografi ku shfaqet pranë presidentit turk, Rexhep Taip Erdogan, që e cilëson një mik të çmuar, në rezidencën e tij verore në Marmaris.
Një ditë para vizitës në Athinën zyrtare, kreu i qeverisë, shkruan se me Erdoganin biseduan për disa tema si marrëdhëniet mes Shqipërisë e Turqisë, dhe situatën në rajonin e Ballkanit Perëndimor.
“Me Presidentin e Turqisë, mikun e çmuar Rexhep Taip Erdogan, në një nga bisedat gjatë qëndrimit në rezidencën e tij verore në Marmaris, ku folëm gjerësisht për marrëdhëniet mes Shqipërisë e Turqisë, sfidën e kohës për fuqizimin e ekonomisë në kushtet e përballjes me Covid-19, ecurinë e bashkëpunimit dypalësh, si edhe situatën në rajonin e Ballkanit Perëndimor🇦🇱🤝🇹🇷”, shkruan kryeministri./Opinion.al
