Aktualitet

“Para se të zgjidhet kryeministri i ri”, si po mashtrohen shqiptarët nga trafikantët



Bëhu pjesë e Grupit Zyrtar të Opinion.al
>> KËTU <<
               Publikuar në : 11:00 - 08/08/22 |
Opi Nion

Emigrantët shqiptarë po mashtrohen nga trafikantët për të udhëtuar sa më shpejt drejt Britanisë së Madhe përpara se të zgjidhet kryeministri i ri, pas dorëheqjes së Boris Johnson.

Sipas The Sun, trafikantët u thonë shqiptarëve që të përfitojnë nga situata aktuale, pasi ardhja e një udhëheqësi të ri do të ndalojë të gjitha kalimet detare me një armadë patrullash.

Kontrabandistët kanë ulur gjithashtu çmimin për kalimin me gomone  nga 10,000 £ që ishte në muajt e kaluar deri në 2,000 £ për person.

Ndërkohë çmimet për kalimin në Angli me kamion janë rreth 22,000 £ dhe rreziku për t’u kapur është shumë më i madh.

Një raport i inteligjencës britanike zbuloi se katër në dhjetë persona që mbërrijnë me varka të vogla janë nga Shqipëria. Nëntë banda qëndronin pas 2,863 emigrantëve që erdhën nga 1 qershori deri më 12 korrik. Prej tyre, 1,075 ishin shqiptarë, bën me dije media britanike.

Numri i përgjithshëm i emigrantëve shqiptarë që kanë udhëtuar drejt Britanisë së Madhe këtë vit arriti në 18,000 të shtunën, kur 337 kaluan në dhjetë varka.

Ndërkohë, një burim për median britanike tha se: “shqiptarëve u thuhet se qindra njerëz do të patrullojnë Kanalin, bregdeti do të ruhet me gardhe dhe ata do të kthehen dhe do të humbasin paratë e tyre”.

“Kur të ketë një kryeministër të ri, do të ketë një gënjeshtër të re, çfarëdo që duhet për të vazhduar këtë tregti”, bëhet me dije nga i njëjti burim. Deputetja e Dover dhe Deal, Natalie Elphicke, tha se kryeministri i ri duhet t’i shohë vendkalimet e emigrantëve të paligjshëm si një prioritet kyç.

Sekretarja e Brendshme Priti Patel tha: “Askush nuk duhet të vërë në dyshim vendosmërinë e kësaj qeverie për të thyer biznesin e këtyre bandave”./Opinion.al

 

Pas