Prezantuesja dhe autorja e programit “Mos i fol shoferit”, Rudina Dembacaj, është fotografuar nga paparaci i Panorama Plus në një nga hotelet e njohura të kryeqytetit, në “Rogner”, duke pirë kafe me deputetin e Partisë Demokratike, Ervin Salianji.
Ata kanë ndenjur mbi tre orë duke folur dhe me siguri ose janë miq të vjetër, ose po flisnin për programin e Rudinës, ku Ervini mund të jetë i ftuar, shkruan Panorama Plus.
Në fakt, rreth një vit më parë, deputeti i Partisë Demokratike ka qenë i ftuar te programi “Mos i fol shoferit”, atëherë kur Rudina e realizonte brenda një makine në ecje të gjithë intervistën.
Ndërkohë, nga ana tjetër, Salianji duket mjaft sportiv dhe i pëlqen të shkojë në programe ku nuk flitet për politikë, mbase edhe për vetë moshën e tij të re.
