Në lutjen e së dielës, Papa Françesku ka bërë apel për bashkëpunim shkencor ndërkombëtar për të gjetur një vaksinë kundër koronavirusit.
Ati i Shenjtë kërkoi që bashkëpunim të jëtë i paanshëm dhe transparent, dhe të garantohet vaksina për të gjithë botën. Kreu i Kishës Katolike, nuk harroi të falenderojë ata që ndodhen në vijën e parë të frontit, duke treguar se gjendet pranë tyre me lutjet e tij.
“Shpreh mbështetje dhe nxis bashkëpunimin ndërkombëtar që po ndodh në iniciativa të ndryshme për të gjetur një përgjigje adekuate dhe efektive ndaj krizës serioze që po përjetojmë. Në fakt, është e rëndësishme që aftësitë shkencore të unifikohen, në një mënyrë transparente dhe të paanshme për të gjetur vaksina dhe trajtime si dhe për të garantuar qasje universale në teknologjitë bazë, që lejon çdo person të infektuar, në çdo cep të botës, të marrë trajtimin e nevojshëm mjekësor”, deklaroi Papa. /Opinion.al
