Papa Françesku falënderoi sot njerëzit, të cilët i uruan para kohe atij ditëlindjen duke thënë se urimet para kohe sjellin fat të keq.
Të shtunën, papa Françesku mbush 80 vjeç.
Duke iu drejtuar audiencës, papa Françesku tha “faleminderit të gjithëve për urimet për ditëlindjen time të ardhshme, ju falënderoj, por unë do t’ju them diçka që do t’ju bëjë të qeshë”.
”Në vendlindjen time, urimet para kohe të ditëlindjes sjellin fat të keq dhe ata që të urojnë para kohe janë një sykeq”, shtoi ai.
Vatikani nuk ka plane të veçanta për ditëlindjen e papa Françeskut.
Ai do të fillojë të shtunën me një meshë me kardinalët dhe pastaj do të ndjekë agjendën e tij të planifikuar.
