Liones Messi është një nga lojtarët më të mirë në historinë e futbollit botëror. Kjo ka bërë që shumë fansa jo vetë që e vlerësojnë për aftësitë e tij, por shpesh herë e etiketojnë atë dhe si “zoti” i futbollit.
Në lidhje me etiketimin e argjentinasit, Papa Françesku është shprehur për bashkatdhetari i tij se t’i drejtohesh me fjalën zot Messit është sakrilegj.
“Në teori është sakrilegj. Ju nuk mund ta thoni këtë. Njerëzit thonë ai është ‘Zoti’ njësoj sikur thonë ‘Të adhuroj”. Ju duhet të adhuroni vetëm Zotin, është një shprehje që njerëzit përdorin. Ai është një Zot me topin në fushë. Sigurisht është një kënaqësi të shikosh Messin duke luajtur por ai nuk është Zoti,”-shtoi Papa për Spanish TV La Sexta.
I lindur në Buenos Aires, kreu i kishës katolike është një tifoz i futbollit dhe anëtar i klubit argjentinas, San Lorenzo.
Ndërkohë, mesfushori i Barcelonës, Messi ka shënuar 31 gola, përfshirë edhe dy gola në fitoren 2-0 kundër derbit të Espanyol. Ai ka shënuar 16 gola në 12 ndeshje në Ligën e Kampionëve duke ndihmuar Barçen të arrijë në çerekfinale./ Opinion.al E.Xh.
