Papa Françesku mbush 86 vjeç dhe në këtë ditëlindje të shumta kanë qenë urimet që i janë përcjellë, mes të cilëve një letër nga Kryeministrja italiane Giorgia Meloni apo presidenti Matarella, që i shkruan në emër të të gjithë italianëve.
Por urimeve nuk i ka munguar as Presidenti i Bjellorusisë Aleksandër Lukashenko, i cili tha se Minsk dhe Selia e Shenjtë duhet të kontribuojnë së bashku për paqen në rajonin evropian, njoftoi shërbimi për shtyp i presidencës bjelloruse cituar nga agjencia RIA Novosti. “Presidenti i Bjellorusisë Aleksandër Lukashenko uroi Papa Françeskun për ditëlindjen e tij. Kreu i shtetit theksoi se Bjellorusia dhe Selia e Shenjtë po bëjnë shumë dhe duhet të bëjnë edhe më shumë së bashku për të gjetur një zgjidhje të qëndrueshme për krizën e sotme”, tha shërbimi për shtyp në një deklaratë./Opinion.al
