Papa Françesku ka mbërritur në Shkup të Maqedonisë së Veriut, në vizitën e parë në këtë shtet, ku do të drejtojë një meshë në përkujtim të Nënë Terezës.
Ati i shenjtë gjatë qëndrimit njëditor në Maqedoninë e Veriut do të takohet me presidentin në largim, Gjorge Ivanov dhe kryeministrin Zoran Zaev, i cili vizitën e Papës në Shkup, e ka vlerësuar si historike dhe që mbart mesazhin e pajtimit dhe solidaritetit.
Zyra e shtypit të Selisë së Shenjtë në Vatikan ka bërë të ditur se Papa do të takohet edhe me përfaqësuesit e shoqërisë civile dhe të trupit diplomatik, si dhe me udhëheqës fetarë e njerëz të varfër.
Meshën, sipas autoriteteve pritet ta ndjekim rreth 15 mijë persona në sheshin kryesor të Shkupit, jo vetëm nga Maqedonia e Veriut, por edhe vende tjera që janë akredituar për të marrë pjesë në aktivitetet e atit të shenjtë.
Vizita e Papës ka ngritur në këmbë thuajse gjithë aparatin shtetëror që masa të jashtëzakonshme të sigurisë. Për mbarëvajtjen e vizitës janë angazhuar qindra forca policore e ushtarake si dhe njësitet speciale anti-terror.
Dita e martë në Shkup është shpallur ditë pushimi ndërsa para kësaj vizite Papa Françesku qëndroi në Bullgari./Opinion.al
